BREAKING NEWS: STRICT Border Control Ibalik sa Cebu City og Province


BREAKING NEWS: BORDER CONTROL SA CEBU CITY UG CEBU PROVINCE IBALIK NA PAGSTRIKTO


Gipadayag ni Cebu City Mayor Edgardo Labella nga ibalik na pagpatuman ang strikto nga border control sa boundary sa dakbayan sa Sugbo ug sa probinsya sa Sugbo gumikan sa nagkasaka nga mga positibong kaso sa COVID-19 sa Cebu City.


Matud sa mayor nga ang bag-ong mga kaso sa Cebu City gikan sa mga indibidwal nga nagtabok-tabok gikan sa probinsya paingun sa dakbayan nga dinhi nanarabaho ug nagnegosyo.


Dugang niini nga dili muminos duha sa 28 ka mga natala nga positibong kaso sa COVID-19 sa dakbayan sa Sugbo niadtong November 11, 2020, mga residente sa dakbayan sa Lapu-lapu apan dinhi ma swab sa syudad gumikan kay dinhi man nagtrabaho.


"We will strengthen our border control, our border patrol pahingusgan nato pag-ayo aron dili lang bisan kinsa mosulod sa atong syudad, " matud sa mayor.


Subay niini, gimanduan ni Labella ang kapulisan nga hulingun pagbalik ang mga dokumento sa mga sakyanan nga mangagi sa entry ug exit points ingun man ang mga papeles sa mga pasahero nga mutabok gikan sa probinsya ug dakbayan.


Atangi ang dugang detalye.


Johnley Bayking

Photo: CDN

0 Comments